BAPU (సత్తిరాజు వెంకట లక్ష్మీనారాయణ -బాపు)

BAPU

బాపు అసలు పేరు సత్తిరాజు వెంకట లక్ష్మీనారాయణ. బాపు డిసెంబరు 15, 1933 వ సంవత్సరం లో పశ్చిమ గోదావరి జిల్లా, ఇరగవరం మండలం కంతేరు లో వేణు గోపాల రావు, సూర్యకాంతమ్మ దంపతులకు జన్మించాడు. 1955 వ సంవత్సరం లో మద్రాసు విశ్వవిద్యాలయం నుండి లాయర్ పట్టా పుచ్చుకున్నాడు. అదే సంవత్సరం ఆంధ్ర పత్రిక దినపత్రికలో వ్యంగ్య చిత్రకారునిగా చేరారు. 2014 ఆగస్టు 31న చెన్నైలోని ఒక ఆస్పత్రిలో చికిత్స పొందుతూ కనుమూసారు

బాపు చిత్రకళ ఒక విషయానికి పరిమితంకాలేదు. 1945 నుండి బాపు చిత్రాలనూ, వ్యంగ్యచిత్రాలనూ, పుస్తకాల ముఖచిత్రాలనూ, పత్రికల ముఖచిత్రాలనూ, కథలకు బొమ్మలనూ, విషయానుగుణ చిత్రాలనూ పుంఖాను పుంఖాలుగా సృష్టిస్తున్నాడు. కొత్త రచయితలూ, ప్రసిద్ధ రచయితలూ, పురాణాలూ, జీవితమూ, సంస్కృతీ,  రాజకీయాలూ, భక్తీ, సినిమాలూ - అన్ని రంగాలలో ఆయన గీతలు వాసికెక్కాయి. ఆయన చిత్రాలతో ఉన్న శుభాకాంక్ష పత్రికలు (గ్రీటింగ్ కార్డులు), పెళ్ళి శుభలేఖలూ కళాప్రియులు కోరి ఏరుకుంటారు.

బాపు అక్షరమాల (ఫాంట్) 

బాపు రాత కూడా అంతే. ఇంతవరకూ తెలుగునాట ఎవరి చేతి వ్రాతకూ ఆ ప్రాముఖ్యత అందలేదు. తెలుగులో బాపు అక్షరమాల (ఫాంట్) ఎన్నో డి.టి.పి సంస్థలూ, ప్రచురణా సంస్థలూ వాడుతుంటాయి.

బాపు కొతకాలం జె.వాల్టర్ థామ్సన్ సంస్థలోనూ, ఎఫిషియెంట్ పబ్లికేషన్స్ లోనూ, ఎఫ్.డి. స్టీవార్ట్స్ సంస్థలోనూ పని 

బాపు - రమణ

చేశాడు. బాపు కృషిలో సహచరుడైన ముళ్ళపూడి వెంకటరమణ తో కలిసి రూపొందించిన బుడుగు పుస్తకం తెలుగు సాహిత్యంలో ఒక క్లాసిక్. ఇందులో బుడుగు తో పాటు సిగానపెసూనంబ తెలుగువారి హృదయంలో చిరకాలస్థానం సంపాదించుకొన్నారు. ఆయన చిత్రాలు దేశదేశాలలో ఎన్నో ప్రదర్శనలలో కళాభిమానుల మన్నలందుకొన్నాయి.

బుడుగు - సిగానపెసూనంబ

1967లో సాక్షి (సినిమా) చిత్రదర్శకునిగా సినిమారంగంలో అడుగుపెట్టిన బాపు మొదటి చిత్రంతోనే ప్రసంసలు అందుకొన్నాడు. అయన మొత్తం 41 చిత్రాలకు దర్శకత్వం వహించాడు. 1976 లో వెలువడిన 'సీతాకల్యాణం' సినిమా చూసేవారికి కన్నుల పండుగ. ముఖ్యంగా అందులో గంగావతరణం సన్నివేశం మరువరానిది.

బాపు తను తీయబోయే చలన చిత్రపు సన్నివేశాలను సచిత్రంగా ( స్టోరీబోర్డు ) తయారు చేసుకుని తెరమీదకి ఎక్కిస్తాడు.ఈ విధానం వలన తను మనసులో అనుకున్నది కాగితం మీద ఎంత అందంగా చిత్రీకరించుకుంటాడో అంతే అందంగా తెరమీద గందరగోళం లేకుండా చిత్రీకరించగలుగుతాడు.

బాపుకు స్వదేశీ, విదేశీ పురస్కారాలు ఎన్నో లభించాయి,ఆయన తీసిన " సీతాకల్యాణం " సినిమా లండన్‌లో జరిగిన ఫిలిం ఫెస్టివల్, షికాగో అంతర్జాతీయ ఫిలిం ఫెస్టివల్‌లో ప్రదర్శించారు.

బాపు దర్శకత్వం వహించిన తెలుగు సినిమాలు
1.శ్రీరామరాజ్యం,2011   2.సుందరకాండ,2008   3.రాధా గోపాళం,2005  4.రాంబంటు ,1996  5.పెళ్ళికొడుకు,1994  6.శ్రీనాథ కవిసార్వభౌమ,1993  7.మిష్టర్ ళ్ళాం,1993  8.పెళ్ళి పుస్తకం,1991  9.కళ్యాణ తాంబూలం,1986 10.బుల్లెట్,1985  11.జాకీ,1985  12. సేత,1984  13.మంత్రిగారి వియ్యంకుడు,1983  14.ఏది ధర్మం ఏది న్యాయం,1982  15.కృష్ణావతారం,1982  16.పెళ్ళీడు పిల్లలు,1982  17.రాధా కళ్యాణం,1981  18.త్యాగయ్య,1981  19.వంశవృక్షం,1980  20.కలియుగ రావణాసురుడు,1980  21.పండంటి జీవితం,1980  22.రాజాధిరాజు,1980
23.తూర్పు వెళ్ళే రైలు,1979  24.మనవూరి పాండవులు,1978  25.గోరంత దీపం,1978  26.స్నేహం,1977  27.భక్త కన్నప్ప,1976  28.శ్రీ రాజేశ్వరీ విలాస్ కాఫీక్లబ్,1976  29.సీతాకల్యాణం,1976  30.ముత్యాల ముగ్గు,1975  31.శ్రీ రామాంజనేయ యుద్ధం,1974  32.అందాల రాముడు,1973  33.సంపూర్ణ రామాయణం,1971  34.బాలరాజు కథ,1970  35.ఇంటి గౌరవం,1970  36.బుద్ధిమంతుడు,1969  37.బంగారు పిచ్చుక,1968 38.సాక్షి,1967

బాపు చిత్రకారునిగా పలు పుస్తకాలకు ముఖచిత్రాలు వేశారు. పత్రికల్లో కథలకు, నవలలకు ఆయన వేసిన చిత్రాలు మౌనవ్యాఖ్యలుగా అమరాయి అని విమర్శకులు బాపు బొమ్మల్ని ప్రశంసించారు.

 బాపు బొమ్మలు